Loyihalar

Hudud: Respublika · Davr: 2025–2026. Hududiy treninglar, mentorlik tizimi va metodik qo'llab-quvvatlash orqali NNTlar institutsional salohiyatini mustahkamlash.

Hamkorlar: xalqaro tashkilotlar · Davr: 2025–2027. Institutsional rivojlanish yo'nalishida xorijiy tajribani o'rganish va joriy etish.

Hudud: 6 ta viloyat · Davr: 2024–2025. Monitoring hisobotlari e'lon qilingan. Davlat dasturlari ijrosi yuzasidan jamoatchilik monitoringi, eshituvlar va muhokamalar o'tkazildi; xulosalar tegishli organlarga topshirildi.

Xorijiy grantlarni jalb etish va loyiha boshqaruvi salohiyatini oshirishga qaratilgan doimiy tuzilma. Grant monitoringi, donorlar bazasini shakllantirish, standart grant shablonlari, M&E tizimi va moliyaviy shaffoflikni ta'minlash bo'yicha metodik va amaliy yordam beradi. Shuningdek, NNT ochmoqchi bo'lgan fuqarolarga hujjat tayyorlash va tashkil etish bo'yicha yordam ko'rsatadi.

Xorijlik mutaxassislar tomonidan o'tkaziladigan o'quv seminarlari. Maqsad — O'zbekistondagi NNTlar uchun loyiha ishlab chiqish va grant yozish salohiyatini oshirish. Seminardan keyin olti oy ichida tayyorgarlikdan o'tgan xodimlar respublika bo'ylab treninglar o'tkazadi va har yili 500 dan ortiq NNT vakillariga ta'lim beradi.

Har yili respublika bo'yicha NNTlarning institutsional, moliyaviy, boshqaruv va jamoatchilik bilan ishlash salohiyatini baholaydigan milliy indeks. Davlat va donorlar uchun qaror qabul qilishda asosiy tahliliy manbaga aylanadi va Assotsiatsiyani ekspert platformasi sifatida mustahkamlaydi.

NNTlarning boshqaruvi, moliyaviy hisobdorligi va ochiqligini baholab, talablarga javob beruvchilarga ixtiyoriy sertifikat berish tizimi. Ochiq reestr joriy etilib, donorlar ishonchini oshirish va sektorda sog'lom raqobatni kuchaytirish ko'zlangan.

Yiliga bir marta respublika miqyosida davlat rahbari ishtirokida Assotsiatsiyaga a'zo NNT rahbarlarini birlashtiruvchi yirik forum. Eng faol NNTlarni taqdirlash amalga oshiriladi va Assotsiatsiyaning milliy markaz sifatidagi roli mustahkamlanadi.

Jurnalistika va media yo'nalishidagi talabalar Assotsiatsiya hamda a'zo NNTlar faoliyatini jamoatchilikka yetkazadi. Yoshlarga auditoriya shakllantirish, shaxsiy brendni rivojlantirish bo'yicha amaliy va institutsional yordam ko'rsatiladi.

Yangi a'zo NNTlarga maxsus to'plam taqdim etish: a'zolik guvohnomasi, brend mahsulotlari, axborot materiallar va 300 000 so'mlik vaucher. Assotsiatsiya tizimiga integratsiya qilishning ilk bosqichi sifatida xizmat qiladi.

NNT vakillarining kasbiy, institutsional va boshqaruv salohiyatini tizimli oshirishga qaratilgan qisqa muddatli kurslar. Biznes va tadbirkorlik oliy maktabi bilan hamkorlikda amalga oshiriladi. Davlat dasturining 83-maqsad, 262-bandi ijrosini ta'minlaydi.

"NNTlar uyi" binosida zamonaviy kovorking markazi tashkil etilib, doimiy ish xonasiga ega bo'lmagan NNTlar uchun ochiq ish maydoni yaratiladi. Uchrashuvlar, seminarlar va treninglar uchun mushtarak muhit.

O'z tashabbusi bilan ochilgan, yangi tashkil etilgan yoki chekka hududlarda joylashgan Assotsiatsiyaga a'zo notijorat tashkilotlarini qo'llab-quvvatlash dasturi.

Respublika hududlaridan 32 nafar NNT vakili uchun Toshkentda 2 kunlik amaliy va madaniy dastur. Ishtirockchilar o'rtasida hamkorlik, tajriba almashish va davlat organlari bilan muloqotni rivojlantirish.

NNT vakillari ilmiy, ijtimoiy va madaniy salohiyatini safarbar etish uchun "ZAKOVAT" o'yinlarini respublika miqyosida tashkil etish. 14 hududdan jami 70 ta jamoa (har birida 6 ishtirokchi) qatnashadi.

NNT ishtiroki bilan davlat dasturlari va qonunchilik hujjatlari ijrosi yuzasidan jamoatchilik monitoringi, eshituvlar, muhokamalar va ekspertiza tashkil etiladi. Tahliliy xulosalar va tavsiyalar tegishli davlat organlariga kiritiladi.

NNT vakillarining muhim ijtimoiy-siyosiy voqealarga professional munosabatini shakllantirish va jamoatchilikka yetkazish. Tahliliy brifinglar, ekspertlar ishtirokida ochiq muloqotlar va OAV bilan hamkorlik mexanizmlari rejalashtirilgan.